آخر الأخبار
الرئيسية / رأى / هل كنت أثرثر؟!

هل كنت أثرثر؟!

د.محمد علي فهيم

بقلم: د.محمد علي فهيم

باحث أول بمركز البحوث الزراعية

كل الاخوة المتابعين المحترمين …

هتكلم معاكم “بصراحة” جداً … احيانا ينتابني ضيق وغضب كبير من رد فعل وتفاعل المتابعين لي وهم رقم كبير (5000 + 45000) على صفحاتي فقط غير المتابعنين فى الجروبات ..

كلكم تعرفو انى لي اتجاه علمي محدد وهو احد اتجاهات العلوم التطبيقية وهو “الانذار المبكر” Early warning يعني التحذير من ظاهرة زراعية معينة قبل ظهورها او انتشارها … وعشان اوصل للتحذير ده بياخد جهد “غير عادي” لانه ربط بين ظروف المناخ الحالى والمتوقع وبين مراحل نمو النبات او احتياجاته او احتياجات الكائنات المشاركة “حشرات – امراض) …الخ.

وبنزل النتيجة فى صورة توصية بسيطة او منشور مفصل عشان الناس تفهم وتنفذ …

لكن من الملاحظ هو “عدم الجدية” من البعض او التجاهل من البعض (وهي السمة الغالبة) …

كل ما توقعته وحذرت منه حدث للأسف سواء مشاكل فى النمو أو ظهور للأمراض والافات … ومنهم الندوة المتأخرة على البطاطس وباقي الندوات وظهور مكثف للصدأ الأصفر فى القمح وهو فى مرحلة الانتشار الوبائي الان … راجعو اللطم والصريخ اللى كنت بعمله على صفحتي … فبسبب نصيحة او توصية فى التوقيت الصحيح قد تحفظ ارزاق الناس وتحافظ على زرعهم بطريقة لا يمكن تصورها …

وبسبب الحرص على مصلحة الناس ضد المتلاعبن والسماسرة اصطدمت مع اصحاب المصالح … وتكالبو ضدي فى “احط” رد فعل – وتعدى ذلك مجرد كلام على الفيس انهم يعملو “ريبورت” مدفوع الاجر عشان منعي من النشر – ونجحو في ذلك لانى ما زالت مش قادر انشر كتير من المنشورات – لان الفيس بيرفض ذلك – وانتم طبعا متعرفوش ده …

المهم
هل كنت اثرثر؟ هل كنت اتلاعب بعقولكم؟ هل اضيع وقتي ووقتكم فى “اى كلام” ؟

طبعا لا وألف لا …

لي حق عليكم جميعاً … جميعاً … ليه موصلتوش كل هذه التحذيرات للناس – انا مش هقدر اوصل لكل المزارعين … ليه بتيجي تقرأ فى صمت وانت متخفي؟ عشان محدش يعرف يعني انك بتقرأ لحد؟ هل وصل بك الغرور لهذه الدرجة؟؟

أنا بقرأ للكل واتفاعل مع المنشورات واقول رأي كمان – مش عيب – مش عيب – مش عيب ..
لانى ماشي بمبدأ “رب سامع اوعى من متحدث” ..

انا بجد زعلان جداً منكم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *