للمستثمرين الزراعيين.. خلي بالك من معرفة كمية المياه اللازمة لزراعة كل المساحة

إعداد: د.محمد رجب سعدالدين

معهد بحوث الهندسة الزراعية – مركز البحوث الزرعية

واحدة من اهم خطوات الاستثمار الزراعي هي معرفة كمية المياه التي يمكن الحصول عليها حتي نتمكن من زراعة كامل المساحة عشان كدا لازم تحط في دماغك انك بتشتري مياه قبل ما تشتري ارض – مع العلم ان الأراضي الصحراوية مفيش اكتر منها – المهم المعلومة الي عايز اوصالهالك والي وقع فيها ناس كتير للأسف وعن تجربة انه كان فيه حد مستثمر قام بشراء مساحة كبيرة من الارض 200 فدان وكان تركيزه كله علي جودة ومواصفات التربة وجودة ومواصفات المياه فقط وتم حفر 4 آبار سطحية لخدمة كامل المساحة وبعد الحفر كان وش المياه في البير (بعد المياه عن سطح الارض) 55م وهنا تكمن المشكلة وهي كالآتي:-

تابعونا على قناة الفلاح اليوم

تابعونا على صفحة الفلاح اليوم على فيس بوك

ـ انه عشان تحصل علي تصرف flow 11م3 مكعب من البير دا عند ضغط مناسب لتشغيل شبكة الري مع حساب الهبوط draw down المتوقع هتحتاج الي طلمبة غاطسة قدرتها لا تقل عن 50 حصان، وبالتالي طاقة شمسية لتشغيلها لا تقل عن 50KW.

ـ في حين انه من الممكن أن يتم اختيار نفس نوع التربة ونفس مواصفات المياه بس في منطقة تانية يكون وش المياه فيها علي بعد من 20ـ 25م، وفي الحالة دي عشان يحصل علي نفس التصرف 100م3 عند الضغط المطلوب لتشغيل الشبكة بصورة جيدة هتكون قدرة الطلمبة الغاطس 30 حصان، وبالتالي الطاقة الشمسية هتكون 30Kw.

للعلم الفرق في السعر بين الغاطس 30 والـ50 حصان تقريبا 100 ألف جنيه او اكتر وكذلك الفرق في السعر ما بين محطة الطاقة الشمسية 30 و50 Kw حوالي 400 ألف جنيه، يعني فرق تكلفة تشغيل البير في الحالة الأولي عن التانية تقريبا حوالي 500 ألف جنيه ×4 ابار يعني تقريبا كدا تكلفة زيادة للمشروع نتيجة اختيار خطأ وغير مدروس 2 مليون جنيه، وانت لم تبدأ وبتقول ياهادي.

كل دا بسبب انك كمستثمر بتصتنصح وحاسس انك فاهم كل حاجة وان الموضوع بسيط. او مستخصر تجيب حد متخصص يدرسلك الموضوع من جميع جوانبه، وفي النهاية يعطيك القرار السليم الي هيتبني عليه تكلفة مدروسة وجدوي اقتصادية سليمة للمشروع.