آخر الأخبار
الرئيسية / رأى / اسمعوها مني وافتكروها

اسمعوها مني وافتكروها

د.محمد علي فهيم

بقلم: د.محمد علي فهيم

وكيل المعمل المركزي للمناخ الزراعي – مركز البحوث الزراعية

سيندم الكل علي اهمالهم للفلاح والاستهتار به… مهنة الزراعة اصبحت مهنة الخسائر وأن لم يتم تطويرها وتطوير وسائلها وادوات زراعتها… سيحدث ما لا يحمد عقباه… الفلاح مش هيهجر الارض بس مش هيتعب نفسه تاني وهيتجه للزراعة «المريحة» طالما كده كده خسرانة .. هيزرع اي حاجة غير مكلفة زي الاعلاف او أي محصول تكلفته قليلة وسيحدث دربكة عظيمة في سوق المنتجات الزراعية وخاصة الخضر الاساسية .. الدولة بتعمل حساب المستهلك اكتر بكثير من الفلاح لان المستهلك عنده فيس بوك وعنده وقت يكتب ويصرخ ويلطم … والفلاح معندوش …

مفيش وقت نضيعه «تاني» ولا فرص تضيع تاني … الفلاح مش عاوز «دعم» .. الفلاح دعمه في النهوض «بمهنة» الزراعة .. وفرو الفرص افتحو له الاسواق وطوروها .. فعلو مراكز الابحاث وإدارات الخدمات .. وفرو له معلومة زراعية علمية تطبيقية واقعية .. ادعموه بافكار جديدة محاصيل جديدة اصناف جديدة… احموه من تجار الجشع ومفتين الجهل ومن مناخ ما بيرحم ولا تاجر بيدفع ولا سوق بيرفع .. اخترعو له آلات زراعية جديدة توفر عليه الجهد وتكاليف العمالة اللي قسمت ضهره وضيعت تعبه .. طورو له طريقة ري وتسميد ورش وبتكاليف مريحه ..

هو ده دعم الفلاح..

قضيتكم وحقوقكم فوق جميع:
المنتفعين …
والتجار …
والسماسرة …
واباطرة اللوك لوك …

الفلاح لو غاب عن ارضه ساعة هتجوعو ساعات …
اللهم قد بلغت…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *