أخي المزارع مع بداية “برمهات” خلي بالك.. 15 توصية إرشادية هامة
كتب: د.محمد فهيم أخي المزارعي.. اليوم أول برمهات .. يعني روح الغيط وهات.. بس لما تروح الغيط .. خد بالك من شوية تنبيهات، لأن الجو رافع حرارته بالنهار ولسه بارد قوي بالليل .. ومع كتير تذبذبات وشوية حسومات:
تابعونا على صفحة الفلاح اليوم على فيس بوك
1ـ لازم الأرض تحت الزرع كل الزرع تكون ديماً بها نسبة رطوبة (مروية يعني).
2ـ ري القمح يكون بحساب (حسب نشاط الرياح بعد الري) .. واوعى تفطم القمح بدري.
3ـ نقرب فترات الري بالتنقيط لكل الزراعات اللى ريها بالتنقيط.
4ـ نهوي البلاستيك للصوب والانفاق طول اليوم.
5ـ خلى بالك من المن والتربس على كل المحاصيل.
6ـ خلى بالك من البياض الدقيقي على المانجو والقمح والعنب المبكر.
7ـ تكثف إضافة الفولفيك وعالى الفسفور لأشجار الفاكهة كلها مع الري.
8ـ التوتا ابسلوتا هتزيد على الطماطم وتتنقل على البطاطس الصيفي كمان.
9ـ دودة فراشة الياسمين هتظهر على الزيتون.
10ـ الجيل الأول من دودة عناقيد العنب هتظهر بدري.
11ـ يعني الكمون واليانسون والكسبرة والشمر والكراوية لازم يترشو بوتاسيوم فوسفيت أو سترات بوتاسيوم الفترة دي.
12ـ نهتم كتير بمركبات التحجيم في البطاطس والبصل والثوم والبنجر المتأخر.
13ـ لازم نحصن البطاطس الصيفي من الندوة المتأخرة والندوة البدرية والتبقع البني.
14ـ نهتم جداً بمركبات الكالسيوم بورون والكالسيوم فوسفيت لكل بساتين المانجو اللى دخلت في العقد.
15ـ كل محاصيل العروة الصيفية المبكرة اللى اتزرعت اليومين اللى فاتو يكون عالي الفسفور أساسي.
*المادة العلمية: رئيس مركز معلومات تغير المناخ بمركز البحوث الزراعية.
