كلام مهم جداً عن الاستثمار الزراعي الآن
بقلم: هيثم خيري
الاقتصادي البارز خالد ناصر الدين.. وكلام مهم جدا عن الاستثمار الزراعي الآن..
ناس معاها فلوس وبتسأل نستثمر في ايه دلوقت؟ فيه اكتر من وسيلة تستثمر فيها فلوسك.
تابعونا على صفحة الفلاح اليوم على فيس بوك
ولكن ايه الاستثمار؟
تجمدهم في دهب أو عملة مثلآ؟ لا ده اسمه ادخار لحفظ قيمة الأموال.
هو صحيح بيحمي من التضخم لكن ده مش استثمار. ده بيحافظ على فلوسك زي ما هي. يعني لو معاك مبلغ يجيب شقة لو المبلغ ده كان بالجنيه المصري، كمان خمس سنين مش هيجيب نص شقة. انما لو حفظته في دهب أو عملة ممكن وقتها قيمته تجيب شقة. محلك سر يعني. وعلى فكرة ده مش حاجة وحشة لكن هو يعتبر ادخار.
انما الاستثمار هو انك تدفع فلوس في أصل بيجيب عائد دوريو في نفس الوقت الأصل ده قيمته بتزيد. زي زراعة أو تجارة أو صناعة أو سياحة أو عقار للتأجير.
لو عايز رأيي الاستثمار الزراعي هو أفضلهم لانه هيفضل له سوق وطلب على طول. لكن له اشتراطات.
يا اما بتستثمر مع حد ثقة مضمون دينآ وعلمآ وخبرة ومقدرة، أو لو انت فاهم وممكن تزرع بنفسك أو حتى تشرف على الزراعة وتشغل ناس تكون ضامنهم.
لو المواصفات دي مش موجودة يبقى بلاش أحسن.
لكن في رأيي ان أفضل استثمار على الاطلاق هو ان تستثمر في نفسك أو أولادك.
اتعلم علم ينفع تشتغل بيه ويطورك كموظف أو تعمل بيه بيزنيس خاص.
العلم هو أفضل وسيلة لجني المال.
أرجو محدش يسألني عن يستثمر مع مين ويشتري دهب واللا عملة والكلام ده عشان ده مش تخصصي.
كل واحد يجتهد أو يسأل متخصص ثقة.
