ياوزير المالية هذه مصر العظيمة

بقلم: د.نادر نور الدين

خبير المياه والأستاذ بكلية الزراعة جامعة القاهرة

مهم جدا انك تشعر انك عايش في دولة شيك مترفعة عالية المكانة لا تتسول ولاتنزع الفلوس نزعا من جيوب شعبها،،،، شوفوا حضراتكم مفردات رخصة القيادة في دولة عايزة جنيه بأي وسيلة بما فيها الغي عقلك،،، الكشف الطبي 935 جنيه ليه يافندم هو كشف مخ واعصاب وعمل رسم قلب وايكو على القلب واشعة مقطعية على المخ؟! اي مستوصف بيستخرج الشهادات الطبية للرخصة بعشرين جنيه!!

وبعدين ضريبة 540 جنيه ليه وعلي ايه؟! هو انا اشتريت حاجة؟! ده تصريح بصلاحيتي للقيادة؟! وشوف كمان 70 جنيه ملف او حافظة اللي سعرها خمسة جنيه ولا وزير المالية حيعمل حافظة من ملبن او بستيليا على رأي الريحاني!! وكمان 145 استمارة يعني ورقة مطبوعة لاتزيد عن عدة قروش ولا طابعينها على ورق لورى ولا يمكن ورق مذهب،، ويضحكك 20 جنيه براءة ذمة؟! براءة ذمة من ايه؟! وفي النهاية رسوم رخصة القيادة اللي كانت بمائة جنيه اصبحت 1710 فهل هذا عقل او منطق او زيادة تناسب مستويات دخولنا؟!

ياوزير المالية هذه مصر العظيمة المترفعة وليست مصر المستغلة المتسولة وللأسف انت درمغت سمعة مصر من اجل الحصول على الاموال بأي ثمن حتى لو كانت سمعة البلد التي لاتعرف قدرها!!!