نهاية رئيس بحوث متفرغ

بقلم: أ.د/مدحت مراد

رئبس بحوث أمراض النباتات المتفرغ – مركز البحوث الزراعية

إلا قولى يا عم خلف ..

الأقى معاك خمسة جنيه سلف ..؟

جيبى مافهشى و الا مليم ..

وحالى بقى صعيب وأليم

و المعاش بفى ايدك والأرض ..

لا هو نافع بالطول و لا يالعرض

كل يوم بتزيد الاسعار

و العيشة بقت طافحة مرار

والمصيبة إنى رئيس بحوث !

فى أكبر مركز للبحوث !

ضيعت عمرى فى أمراض النبات

شعرى شاب .. وانا فرحان يالدرجات !

إيشى ماجستير .. و إيشى دكتوراه ..

أتارينى واحد خد في الآخر على قفاه !

بقيت مسكين و حالى هم و عدم !

و ما بقاش فاضلى الا الفقر و الندم ..

على عمر ضيعته فى البحث و العلم !

ولما فقت .. كان ضاع الامل والحلم

فى بلد يكيل فيها العلم بـالفاصوليا و البدنجان

لو كنت حته لعيب صايع .. تعيش سلطان

وتقبض بالملايين ..

وانا من خيبتى ..

ضيعت في العلم سنين

أو كنت مسئول مرتشى في الحى

ينضربلك سلام

وانت رايح و انت جى

و أنا .. أحكام بحقوقى مش عارف أنفذها

و الزيادة في المعاش

تتخصم من بدلاتى .. وأفقدها

من 2015 وانا دخلى محلك سر

ناقص يدونى معاشى كمان في السر !

في كل الدنيا .. العلماء ورثة الأنبياء

لكن عندنا .. هما أشفى الأشقياء

وسلملى ع المترو !

وانتم .. إوعوا تعملوا زيى ..

إخرتكم يا ها تشحتوا

يا على شمال الدنيا .. ها تتنطروا