احتياجات أشجار المانجو المحلية بعد الجمع وحتي الإزهار

كتب: محمد فؤاد أوضح الدكتور علاء جمعة، أستاذ مساعد البساتين بكلية الزراعة جامعة قناة السويس، لـ”الفلاح اليوم“، احتياجات أشجار المانجو المحلية بعد الجمع وحتي الإزهار، وذلك في النقاط التالية:

1ـ تقليم الاشجار وتفتيحها وتجديد الافرع الضعيفة بتقليمها خلفي وشيل واقصر متخفش الشجر سيجدد ويكون افضل من الاول.

2ـ شكارة نترات للفدان مخلوطة بشكارة سوبر.

3ـ غسيل الاشجار غسيل جيد بعد التقليم واستخدم مركب كلينر أو آخر مع ملاحظة البعد عن الذي يضر البراعم.

4ـ والي النموات الجديده بالرش كل عشر ايام بحشري قوي لحد ما يتحول لون النموات الي اللون الاخضر عشان التربس.

5ـ شكارة سولو بوتاس للفدان خلي الخشب يجمد ويخزن كويس.

6ـ متنساش الري زي ما هو بنفس المعدلات وابدأ في تقليلها لما الجو يبدأ يبرد.

7ـ لا تنسي رشة العناصر الصغري ورشة الكالسيوم بورون عشان تسوي الطراحات ويدخل عليها الشتاء وخشبها جامد.

8ـ أحذر من إعطاء شجرة المانجو نيترجين زيادة وجوعه كويس بعد شكارة النترات اللي قولنا عليها.

9ـ لو مش حترش كلينر في الشتا للعفن والحشري وحترش زيت مع اكسي كلور النحاس او مع حشري اوعي تكرر الرش بالزيت عشان ما تضرش البراعم.

10ـ الخدمة الشتوية ما تستعجلش عليها وحقولك علي الخلاصة اشتري السماد العضوي دلوقتي وكمله بالخلطة اللي قولنا عليها قبل كده (شكارة نترات + شكاره كبريت + 3 شكاير سوبر + شاره سلفات مغنسيوم لكل 10 م سماد بلدي)، واعمله كومه وغطيه ونديه بالميه كل اسبوع.

لحد اخر يناير كله … ظبط ارضك واحرت وزبط الاحواض ونزل الخدمة الشتوي اللي عاملة زي حقنه في الوريد كلها عناصر متحللة جاهزة للامتصاص.