رأى

سؤال صعب الإجابة عليه في محاضرة اليوم

مقال لوزير الزراعة الأسبق الدكتور صلاح يوسف

سأل بعض المزارعين إعلانا أو همسا.. عايزين نعرف هنرش مبيدات إيه؟ إحنا عارفين الأعراض وعارفين اللى إنت هتقوله.. مش عايزين نسمع ده.. عايزين نعرف هنرش إيه؟

تابعونا على قناة الفلاح اليوم

تابعونا على صفحة الفلاح اليوم على فيس بوك

الموضوع شكله بسيط لكنه كبير.. ما هو أنتم بترشوا مبيدات كل أسبوع وما بتجيبش نتيجة.. مش علشان المبيدات مش كويسة.. لكن علشان إنت مش عارف الكلام أللى إنت مش عايز تسمعه.

ليه بترش مبيدات ما بتجيبش نتيجة؟

لأن إنت بترش متأخر بعد ما المرض بيكون انتشر.. المفروض إنك ترش مبيد جهازى أول ما تشوف بداية اعراض المرض فى الارض على نباتات بسيطة جدا وبعد 3 أيام هترش مبيد طريقة تأثيره على المرض مختلفة..

طيب إنت عارف يعنى مبيد جهازى، وجهازيته ازاى، وبقاؤه فعال مدة أد إيه، وطريقة تأثيره على الفطر ازاى، طيب إنت عارف إن الامراض أللى بتعمل اوبئة محتاج معاها مبيد يكون جهازى ويكون بيمنع تجرثم الفطريات علشان يمنع انتشار الاصابة، طب إنت عارف يعنى إيه يمنع التجرثم، طيب إنت بترش مبيد بيتغسل بمار الرى بالرش أو الرى المحورى أو الامطار، طيب إنت محتاج مبيد ما بتغلسش بسهولة بالماء أو بالمطر، يعنى مبيد يدخل من الكيوتيكل بسهولة وبسرعة، معلش بلاش كلمة الميوتيكل، إحنا عايزين مبيد يدخل من سطح النبات بسرعة، كل دى معلومات إنت محتاج تعرفها علشان توقف المشكلة وقبلها فيه مبيدات بالملامسة للحماية، طيب إنت عارف إيه شروط تطبيق مبيد الملامسة علشان يعمل حماية، طيب إنت عارف إن المبيد أللى مش نافع عندك ينفع جدا فى غيط تانى أو حقل تأتى أو مزرعة تانية لأن أللى إنت متعود تستخدمه من مبيدات غير أللى هو بيستعمله فى الحقل التانى، طيب إنت عارف تشخيص المرض صح علشان تختار نوعية المبيدات صح.

طيب أنا ما أقدرش اوصي لك بمبيد معين علشان ما اعملش دعاية لشركات على حساب شركات، طيب إنت عندك كتاب توصيات لجنة المبيدات فى وزارة الزراعة وفيه كل المبيدات أللى تنفع فى مل مشكلة، طيب إنت عارف إنك مهما طبقت من مبيدات مش هتحل المشكلة أبدا إلا لو وقفت الظروف أللى بتخلى المرض يزيد، طبعا وأنا بتكلم معاك مش قادر ارفع مستوى الكلام خالص لأن الكلام البسيط ده إنت مش عارفه، إنت محتاج إما تتعلم وتسمع كويس أو إن يكون معك دايما واحد بيقول لك إعمل إيه النهارده ورش إيه النهارده وكل يوم يعمل معاك كده.

طيب يادكتور ممكن تعرفنى إيه سبب التشققات.

سببها حاجات كتيرة زى عدم انتظام الرى ونقص الكالسيوم وأمراض فطرية كتيرة مختلفة وفيرويد وحاجات كتيرة..

شكل كل تشقق بيحدد سبب حدوثه، وبالتالى لازم أعرف شكل التشقق علشان أقول لك سببه ايه، وحتى الاسباب ديه محتاجه تنظم التسميد كله والرى والمكافخة، أقول لك هابعت لك ملف فيه شكل كل تشقق وسببه، طيب إنت ليه ما سألتش على المبيدات أللى هترشها هنا.. لأنك مش قادر تعرفه هو سبب التشققات مرض وإلا لأ.

الحقيقة نحن فى حاجة ضخمة لمجهودات إرشادية ترفع مستوى المزارعين الصغار والمتوسطين والكبار، والله المعين للعاملين فى هذا القطاع، ويبعد عنهم اى مرتزقة أو استغلالى.. ويرزق الجميع سعة الصدر واتساع الافق وسعة الرزق ووافر العلم.

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى