في مركز البحوث الزراعية قربنا نهيس .. حقوقنا ياريس!

بقلم: أ.د/مدحت يوسف مراد

رئبس بحوث أمراض النباتات المتفرغ – مركز البحوث الزراعية

فخامة الرئيس عبد الفتاح السيسي

لإنك بمثابة أب لكل المصريين .. ولإنك رئيسى .. ملقتش حد قدامى أشكيله غيرك  .. لو تسمعنى ياريس .. يبقى كتر خيرك .. بعد ما دخنا السيع دوخات .. بين اكتر من 9 وزراء للزراعة والماليات .. وبعد ما خدنا أحكام قضائية نهائية .. قالت المحكمة تنفذ بالقوة الجبرية ! أكتر من 10 سنين.. و أحنا محبطين .. لسه بنلف حوالين روحنا .. لا جينا ولا رحنا .. مش عارقين ننفذ أحكام الجودة .. وحقوقنا ضاعت بلا عودة .. أكيد ده مش كويس .. ومؤكد مش هايرضيك ياريس.

إحنا هنا فى مركز البحوث الزراعية .. رجالتك اللى شايلين المسئولية .. عن نهضة مصر الزراعية .. وشغالين .. لا ملينا و لا اشتكينا .. رغم إن محدش من المسئولين سائل فينا .. ياريت  لو تزورنا ياريس .. تبقى عملت فينا جميل .. عمرنا ما هننسهولك .. وتبقى حطيت وسام على صدرنا.. هانفضل طول عمرنا فاكرنهولك ..

فخامة الرئيس

سامحنى لو ملقتش حد قدامى غيرك .. يرجعلى حقى اللى ضايع  .. ويبقى كتر ألف خيرك.