بالفيديو «شرين عبدالوهاب» تُهين المصريين في لبنان بسبب مياه النيل

كتب: أسامة بدير أصدرت نقابة الموسيقيين قرارا بإيقاف الفنانة شيرين عبدالوهاب، عن الغناء، وإحالتها للتحقيق بعد سخريتها في إحدى حفلاتها من مياه نهر النيل.

كان مستخدمو فيسبوك تداولو مقطع فيديو للمطربة “شيرين عبدالوهاب”، تطالب فيه إحدى المعجبات بأغنية “ما شربتش من نيلها” أثناء إحدى حفلات الفنانة بـلبنان.

وردت المطربة المصرية ساخرة: “هايجيلي بلهارسيا“، ثم تابعت بنصيحة منها للمعجبة اللبنانية بأن تشرب “مياه معدنية” من إنتاج شركة “إيفيان الفرنسية” بدلا من “مياه النيل“.

وعبر متداولو الفيديو على موقع التواصل الاجتماعي، عن استيائهم من طريقة شيرين في الرد على جمهورها، خاصة أنها في دولة أخرى، وتوجه إساءات لبلدها ولـنهر النيل.

كما أشار البعض إلى أن شيرين قد تجاوزت حدود التلقائية، إلى مرحلة تعد إهانة لوطنها مصر.

وطالب عدد من رواد فيسبوك بضرورة محاسبة شيرين على هذا التصريح، لا سيما أنها كفنانة مرموقة، تمثل مصر في حفلاتها الخارجية.

ومن جانبها، شنت الراقصة سما المصرى، هجوم عنيف على الفنانة شيرين عبدالوهاب، حيث كتبت سما عبر حسابها على انستجرام: “إن كنتوا نسيتوا اللى جرى، الله يرحم أيام الكحرتة، الأخت الفنانة شيرين فى واحدة فى حفلة طلبت منها أغنية (ماشربتش من نيلها) فردت عليها وقالت لها (هيجيلك بهارسيا)، اشربى (مياه …. أحسن).

وتابعت سما: “بصى أنا مش هقولك مصر اللى عملتك ولا مصر اللى نضفتك زى ناس كتير ماهتقولك كده لا سمح الله، لا أنا هقولك ميه البلهارسيا دى بتاعت مصر، عارفه يعنى إيه مصر ولا مش عارفه؟، هى المياه دى اللى خلتك شيرين والعيب مش عليكى العيب على اللى لسه بيقول عليكى فنانة ونجمة وانتى طايحه فى خلق الله، مرة عمرو دياب ومرة شريف مدكور وصوتى لعساف ضد أحمد جمال ابن بلدك”.

وأضافت سما: “بصى يابنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك وروحى عيشى فى لبنان والله هنكسر وراكى زير، بلد البلهارسيا ماتنفعش تعيش فيها واحدة زيك بتاعت مياه معدنيه وفساتين براندات وبارفانات وحاجات، سيبى دا للغلابة، فاكره مطعم …. اللى فى المنيل اللى نصر محروس اخدك منه وانتى بتغنى هناك بالشبشب أبو ورده؟، لسه موجود المطعم ويشهد انك كنتى مش لاقيه حتى تشربى ميه البلهارسيا لا انتى عارفه كنتى بتشربى مياه إيه”.

وتابعت: “أيوه هى المياه الصفرا دى هى دى للى كنتى بتشربيها اللى كلها أملاح دى، دى فعلا اللى تليق ليكى، ياتروحى لبنان ياترجعى تشربى المياه الصفراء المملحه يا تعتذرى لـمصر، مصر اللى عملت منك فنانه وتعتذرى للمصريين كلهم، ملعون أبو الشهره ياشيخه اللى نستك أصلك وأهلك وبلدك، دا انتى مفيش دم ولا إحساس ولا أى حاجة”.

شاهد الفيديو..

https://www.youtube.com/watch?v=-0pp13SrY-o