شروط اختيار الكتكوت الجيد عند إنشاء مزرعة دواجن

كتبت: د.أمل بدران اختيارك لكتكوت جيد من بداية إنشاء مزرعة دواجن يبدأ من الشراء من مصدر موثوق فيه، ولابد أن تكون الكتاكيت غير مصابة بـالسالمونيلا.

كيف تتعرف على وجود السالمونيلا فى الكتكوت عمر يوم؟

1ـ بطن الكتكوت كبيرة وهذا يحدث لان السالمونيلا بتغزو كيس المح وبالتالى يحدث فيه التهاب.

2ـ السره كبيره وظاهرة بمجرد ما تقلب الكتكوت (الطبيعى انها لا تظهر غير بالنفخ فى الريش وبتكون صغيرة وناشفة).

3ـ عشان تعرف هل الكتكوت من ام بشاير او من قطيع فى فترة البيك او من قطيع فى اخر الانتاج يوجد طريقتين هما: نقيس طول الكتكوت من اول المنقار الى منتصف الاصبع، 18 ـ 19 سم من ام بشاير، 19 ـ 20 سم من ام فى قمة الانتاج وهذا ممتاز، أكثر من 20سم من قطيع فى نهاية الانتاج.

4ـ المفرخ نفسه ممكن يكون سبب فى مشكلة كبيرة وهى الاسبرجيلوزيس، للتعرف على هذة المشكلة، ستجد الكتكوت بيلقف الهوا بيفتح فمه كأنه بيشد النفس شد او ان حاجة وقفه فى زوره، واما تفتح الكتكوت ستجد الرئة مخضرة أو مزرقة وساعات عليها نودلز بيضاء وممكن هتلاقيها على باقى الجهاز التنفسي.

*معد المادة العلمية: باحث أول بمعهد بحوث الإنتاج الحيواني – مركز البحوث الزراعية.