الأجندة الزراعية

تعرف على نصيحة وكيل المركزي للمناخ الزراعي لمزارعي البطاطس

الفلاح اليوم نصح الدكتور محمد على فهيم، وكيل المعمل المركزى للمناخ الزراعى التابع لـمركز البحوث الزراعية، زراع محصول البطاطس، بشأن تصفية عرش البطاطس قبل التقليع بهدف تحقيق زيادة مجانية فى الانتاجية والجودة، فكتب.. الناس بتتلخبط هل يسيبو العرش حتى يوم التقليع ولا يصفوه – ايه فيهم افضل وليه؟

هقولكم …
تصفية العرش فى نهاية عمر البطاطس معناها ان النبات “بيسرع” من توجيه السكريات والنشا والمواد المالئة للدرنات بطريقة اسرع بكتير من وجود عرش أخضر حتى نهاية العمر والمنهج ده بيستخدمه كل منتجي البطاطس الكبار قبل التقليع مباشرة واسمه بالانجليزي Haulm destruction before harvesting وده بيؤدي الى تصلب قشرة الدرنة – يعني ما تريش ولا “تتزلع” ولا تسود بعد التقليع.

وبالمناسبة موضوع تصفية العرش فى العروة الصيفية اللى بيكسر منها التقاوي بتقلل كتير الاصابات بـالأمراض الفيروسية والفطرية والبكتيرية وخاصة الريزكونيا اللى بتعمل اعفان درنات والندوات البدرية والمتأخرة وغيرها.

وبتم التصفية للعرش: البطاطس العروة الشتوية وقبل التقليع بــ 15-20 يوم … يوصي برش عنصر البورون لتصفية العرش باحد المركبات التالية: نيتريت بلانسر 2 لتر للفدان او سانسونج 1 لتر للفدان او مركب فورتون جرين بتاع شوري وذلك قبل التقليع بحوالى 15 – 20 يوم.

ما عدا أصناف البطاطس الخاصة بالتصنيع مثل الليدي روزيتا وغيرها، لان تصفية العرش فى اصناف التصنيع بيزود السكر فى الدرنات وده غير مرغوب فيه فى اصناف التصنيع.

أما فيما يخص زراعات الصعيد (المنيا – واسيوط) واللى هيكسرو منها تقاوي .. ولأنهم متعودين الزراعة بطريقة “سطحية” عايمة يعني وتخطيط من 10 الى 11 خط فى القصبتين … فلا انصحهم بتصفية العرش لان التقليع يتم هناك فى اجواء حارة ويخشي من اصابتها بالسوسة.

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى