بعد الهزيمة من الأهلي.. العميد يوجه أخطر رسالة لـ”رئيس الوزراء”
كتبت: نجوى سليمان وجه نجم الكرة المصرية العميد حسام حسن المدير الفني للفريق الكروي الأول بالنادي المصري رسالة صريحة إلى رئيس مجلس الوزراء الدكتور مصطفى مدبولي عقب مباراة الأهلي والمصري في الدوري الممتاز التي انتهت بفوز الأهلي بهدفين نظيفين في المباراة التي جمعت بين الفريقين مساء الأربعاء على استاد برج العرب بالإسكندرية.
وقال “حسن” في المؤتمر الصحفي عقب نهاية المباراة: «مبروك للأهلي الأهلي ليس طرفًا، ولكن (فيه ناس عايزة تبوظ شغل الناس اللي بتتعب.. أنا مش عايز منتخب ومش عايز حاجة، بس أنا تم تهديدي على خط الملعب، أنا عاوز حقي.. في الشارع دا تهديد ويستدعي محضراً، لكن في الملعب مين يجيب لي حقي».
وأضاف حسن، «خدمت الكرة المصرية وأنا مش واخد حقي في أي حاجة، وبكلم رئيس الوزراء لأن اتحاد الكرة أو الوزير مش هيجيب لي حقي، الحكم عمل كل اللي هو عايزه حسب علينا ضربة جزاء ولغى الهدف بتاعنا ومساعد الحكم اتكلم معي بأسلوب غير لائق وقال لي أنا هخليك تشطب كورة»، متابعا: «ابقوا قابلونى لو أخدت حقي من مساعد الحكم».
