ملفات ساخنة

الدكتور محمد فهيم يسأل متابعيه: “هل اللي بقدمه لكم ده بيفيدكم بجد؟”

كتب: أسامة بدير وجه الدكتور محمد علي فهيم، الباحث بـمركز البحوث الزراعية، رسالة هامة للغاية إلى جميع متابعيه على صفحته الشخصية على موقع التواصل الاجتماعي “فيس بوك”، فضلا عن الجروبات المهتمة بالشأن الزراعي، مطالبا بضرورة الإجابة إلى سؤال طرحه عبر بوست كتبه على صفحته وهو: “هل اللى بقدمه لكم ده بيفيدكم بجد وهل حسيتو انى ابتعدت عنكم شوية؟”، على حد قوله.

و”الفلاح اليوم” ينشر البوست كاملا الذي كتبه الدكتور محمد علي فهيم، والذي ناشد فيه متابعيه من المزارعين والمهندسين الزراعيين والباحثين وخبراء الزراعة الإجابة على السؤال الذي طرحه.. والبوست كاملا

خليكم معاى لحظة ….
كل اصدقائي واحبائي الكرام اللى متابعينى على صفحتى او الجروبات الأخرى المهتمة بالشأن الزراعي واحوال المزارعين …

عاوز اقول لكم حاجة … انا تقريباً بدأت اتواصل معاكم من حوالى سنة وشهر … ويعلم الله كم احبكم جميعاً وحريص جداً على دعمكم ومساعدتكم وهو شرف لى في خدمتكم ….

ويعلم الله انى عمرى ما استسهلت أو تسرعت فى الاجابة على حد او كتبت كلمة او نصيحة او توصية الا بعد جهد كبير والرجوع الى كل المراجع المتاحة لدرجة انى احيانا براسل زملاء فى جامعات اجنبية عشان أسألهم على مسائل معينة تخص بعض المشاكل او الظواهر الزراعية او اعراض غريبة على المحاصيل الخ …

وقد اخذت عهد على نفسي ان اغير كتير من المفاهيم والسلوك لدى المزارع واخلى المزارع والفلاح يكون فاهم وعارف وميخليش حد يضحك عليه او يستغله …

وبكون سعيد لما اتلقي اتصالاتكم او رسائلكم والاقيكم بتكررو “المصطلحات” اللى بكتبها فى المنشورات … وبفرح جدا لما الاقي تعليقات الناس وخاصة اللى بيكون لها رأى احيانا مخالف …

السؤال وبمنتهي الصراحة والصدق .. هل اللى بقدمه لكم ده بيفيدكم بجد وهل حسيتو انى ابتعدت عنكم شوية؟…

أنا مش عاوز اى مجاملة لو سمحتم لانى فى مرحلة تقييم وتقويم ما اقدمه لكل احبائي وأهلي المزارعين وزملائي المهندسين …

* انا اعرف ان فيه كتير من الاشخاص بيخدو المنشورات ويعيدو نشرها بأسمهم .. وطبعا انا قلتلهم “ميصحش” مش عشان حاجة الا انه لو مزراع سأل على جزئية هتجاوب ازاى؟؟ وعارف كمان ان بعض “الاشخاص بيخدو التوصيات ويعملوا بها “بيزنس” من استشارات حقلية وغيرها – وكتير من المزارعين بلغوني .. وبرده مش زعلان …

تابع الفلاح اليوم علي جوجل نيوز

مقالات ذات صلة

تعليق واحد

  1. ارشادات ونشرات حضرتك يا دكتور محمد فهيم مفيدة جدا انا برسلها الى مزارعين وبيشكروا فيها خالص وان بحاول استفيد لكن انا تخصصى زيوت طعام وزيوت زيتون
    جزاك الله خيرا وذودك علما

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى