التمييز بين نترات البوتاسيوم وسلفات البوتاسيوم

كتب: د.فيصل إبراهيم التمييز بين نترات البوتاسيوم وسلفات البوتاسيوم، وهما من صور الأسمدة البوتاسية الشائعة الاستعمال في المجال الزراعي، لكن لو عندي عينتين واحدة نترات بوتاسيوم وواحدة سلفات بوتاسيوم، كيف يمكن التفرقة بينهما؟

اختبار الذوبان

ذوبان سلفات البوتاسيوم حتى .111 جم / لتر – يعني ايه الكلام ده؟!! يعني لو جيبت 50 جم سلفات بوتاسيوم ووضعتهم في لتر ماء وتم التقليب هيحصل ذوبان – يعني ايه ذوبان يعنى الاقي ماء رائق ليس فيه عكارة ولا رواسب – طيب زودت كمية السلفات وخليتهم 70 جم / لتر ماء – برضو هيحصل ذوبان – لكن لو تعدينا عيار 111 جم /لتر ماء – يعني وزودت السلفات على كاس الماء بتاعي فاصبح مثلا 130 جم / لتر مل ماء – هنا يحصل الترسيب ولا يتم ذوبان للكمية السلفات الزائدة عن.111 جم في لتر ماء.

لكن لو وضعت نفس الكمية 130 جم /لتر من العينة الثانية اللي بتمثل نترات البوتاسيوم ستذوب بشكل طبيعي وتعطي محلول رائق لان ذوبان نترات البوتاسيوم حتى 37.5 جم / 100 مل ماء وبالطبع فذوبان نترات البوتاسيوم اعلى من سلفات البوتاسيوم، ويعتبر هذا اختبار بسيط وسهل اجرائه في المنزل.

*مُعد المادة العلمية: أستاذ دكتور بمعهد بحوث المحاصيل الحقلية بمركز البحوث الزراعية.