استراحة الفلاح

أغرب وجبات اللانش بوكس: محشي وأرز وملوخية

كتبت: دعاء عرابي شوربة عدس ومحشى ومكرونة بشاميل وفراخ بانيه، أكلات غير تقليدية على «اللانش بوكس»، أصبح أولياء الأمور يتهافتون على إعدادها لأطفالهم، بهدف البُعد عن الساندويتشات التقليدية وفتح شهية الطفل للأكل.

ذات يوم فوجئت دعاء العطار، بابنتها الصغيرة تطلب منها وضع شوربة العدس المتبقية من وجبة الغداء فى اللانش بوكس، لحبها الشديد لهذه الأكلة. لم تتردّد الأم فى تنفيذ طلب ابنتها، وأضافت إليها نوعين آخرين: «أرز أبيض وفراخ بانيه».

«هى على طول بتاخد الأكل العادى، ساندوتشات جبنة وحلاوة وبيض بالبسطرمة، وساعات بترجع بيهم زى ما هما»، كلمات «دعاء» التى وجدت فى طلب ابنتها الغريب فرصة لا بد أن تستغلها لتأكل ابنتها خلال اليوم الدراسى: «اليوم ده خلصت أكلها كله ورجعت بـاللانش بوكس فاضى».

كنوع من التغيير فكرت إيمى جمال، فى تغيير روتين وجبات ابنها اليومية، بتحضير بعض الأطعمة المفضّلة له، كميات صغيرة من الأرز والملوخية ومحشى الكرنب، أو قطعة من المكرونة بالبشاميل، التى تجدها وجبات مشبعة أكثر من ساندوتشات الجبنة: «المدرسة محتاجة تركيز، والولد مش هيبقى فطران جبنة وبيض وياخد معاه جبنة برضه، وهما بيقعدوا أكتر من 6 ساعات فى المدرسة، لازم ياكلوا كويس علشان يعرفوا يكملوا، لازم يبقى الأكل موجود فى علبة مقفولة كويس علشان مايتبهدلش منه».

لم تجد «إيمى»، اعتراضاً من قبل العاملين بالمدرسة الدولية على هذه الوجبات، طالما أنها صحية ولا تؤثر على سير دراسته: «فى المدرسة، كل واحد حر فى أكله، محدش بيشوف اللى جنبه جايب إيه معاه، دى حاجة شخصية، كمان اللى شجعنى على كده أنه بياكل الأكل كله لما أعمل كده، ولو فى المدرسة شايفين الأكل ده هيؤذى الطالب كانوا قالوا لى بلاش منه».

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى