آخر الأخبار
الرئيسية / رأى / هلوسة .. من وحى المكرونة!

هلوسة .. من وحى المكرونة!

أ.د/مدحت مراد

بفلم: أ.د/مدحت مراد

آسف .. أنا قصدى الكورونا ..!؟ وأخيرا .. حكمت على الأيام .. اتحبس فى البيت! بوزى فى بوز المدام .. لما حسيت إنى أتخنقت .. وقربت أجيب زيت! قاعد بأحمر بطاطس .. وأنقى فى رز!

كل حاجة حواليه .. بتقولى طز! فيك . . كنت عاملى قنصل الوز! وانت ولا تسوى! حبسك حته فيرس فى البيت .. خلاك لا رحت ولا جيت! عمال بنتفخ ومركون جنب الحيط .. ما بقتش عارف ..؟

بقيت بالونة والا فتلة خيط! و قاعد خايف تنزل م البيت! والخطر ..بقى حواليك .. من كل ناحية والذعر مطلع عينك .. وانت قاعد فى أودتك كمشان فاقد إحساسك بالأمان .. والخوف قدامك .. مطلع لك لسانه!

والمدام وراك .. طلعت عقلك من إتزانه .. وصوتكم طلع .. والجيران واقفة تتفرج .. وانت قربت تتجنن .. ولسه بتهرج ومن كتر قعدتك فى وش الولية .. مابقاش فيه غير الصريخ و الغباوة! وراحت من البيت الهداوة! وعلى رأى إستفان روستى .. هوه مفيش حنية؟!

وجارتك الأمورة نفسها فيك .. عايزة تمد إيدها ليك .. بس خايفة م الحيزبون اللى عندك فى البيت! وانت مش عارف إن كنت نايم ولا صحيت .. وده حلم والا كابوس! ما بتسمعش فيه .. غير عايزين فلوس! أما العيال ودوشتهم .. فحدث ولا حرج لما حد يسأل عليك .. يقولولوا بابا خرج!

و انت محبوس فى البيت زى الفار.. حبسك فيرس ما انتش شايفه ..! شفت العار! آهو درس ياريت تكون اتعلمته وإن البنى آدم مهما كانت قيمته .. كائن ضعيف مافهشى غير لسان .. وساعة الجد .. عيل خواف وجبان!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *