لمزارعي الفراولة.. تكاليف زراعة الفدان عالية جداً بسبب التغير المناخي

كتب: د.محمد فهيم أرى مبالغة كبير جداً في تكاليف زراعة الفراولة في ظل مناخ معاند مش في صفها تماما … خلينا نكون واقعيين وببساطة، اولاً أنا عارف ان الناس واضعه في الاعتبار اللى حصل الموسم اللى فات وأن هامش الربح كان مرتفع وكانت دي ظروف الموسم اللى فات …

تابعونا على قناة الفلاح اليوم

تابعونا على صفحة الفلاح اليوم على فيس بوك

بس هنا انا هتكلم في نقطتين، الأولى أن التكلفة لزراعة 1 فدان ستكون تقريباً ضعف الموسم الماضي وبتكلفة فلكية (100ألف إيجار + 60 ألف شتلات + تكاليف التأسيس والبلاستيك الملش وشبكات الري والعمالة والأسمدة والمغذيات والمبيدات … الخ).

وده هيزود تكلفة إنتاج كيلو الفراولة إلى ما يعادل ضعف تكلفة الموسم الماضي ..

النقطة التانية وهى الأهم والمتعلقة بتغير المناخ واللى متوقع أن يكون في غير صالح الفراولة كنبات ومحصول … والبداية من دلوقتي لأن موجات الحر المتلاحقة أثرت كثير على المشاتل وجعلت النمو ضعيف والشتلات المنتجة ضعيفة فسيولوجياً … ومتوقع أن يكون الصيف ممتد، يعني اللى هيزرع بدري هيتأذي …

وللاسف متوقع خريف ممطر متقلب وشتاء متقلص لكنه بارد جداً قد يتخلله موجات صقيع (ومزارعي الفراولة عارفين يعني ايه صقيع) … واحيانا ممطر .. ومتوقع أيضا صيف مبكر خماسيني .. ودي كلها أجواء مش على هوا الفراولة خالص سواء تأثيرات مباشرة على النمو والإنتاجية أو غير مباشرة من خلال زيادة ضراوة الإصابة بالآفات والأمراض وأهمها دودة الجعال والملاديرا والتربس .. وأمراض التربة والعفن الرمادي والتبقعات واللفحات والبياض وغيرها.

*المادة العلمية: رئيس مركز معلومات تغير المناخ بوزارة الزراعة.