آخر الأخبار
الرئيسية / رأى / كلام ف كلام

كلام ف كلام

م.محمود فوزي

بقلم: م.محمود فوزي

وكأن حق الشهيد شوية قصايد وزعيق ف برامج الإعلام ….
طظ ف كل الكلام ….
ملعون ابو الخطب الرنانة وبوقين حمضانين م الإمام …
أو حتى عظة م البابا عن المحبة والسلام …..
ملعونة كل النظريات
والفتاوى….
هاتلى شهيد رجعته الصلوات …
احنا مش موجوعين
احنا شوية كدابين
والزفة مولد
وأصحاب المولد نصابين …
عويلنا كلام ورقصنا كلام
وإللى ف قلب الولد رصاصة
مات كام شاب والعدد كام
متعدش ده الموت له مليون سبب
خيانة وغدر وفتاوى ورصاص وكلام
اشوف صور القتلة ف الجرنان
ورقابهم متعلقة فى الميدان
أو نلبس طرح النسوان
ونبطل كلام
عشان صبحنا كلنا رجالة
بس خصيان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *