في تحقيقات النيابة.. المتهم بقتل طالبة المنصورة: صرفت عليها دم قلبي
متابعات حكى المتهم “محمد عادل”، قاتل “نيرة أشرف” فتاة المنصورة، أمام جهات التحقيق، تفاصيل ارتكابه الجريمة المأساوية أمام أبواب جامعة المنصورة، بذبح فتاة وسط الشارع، واعترف المتهم قائلًا: قعدنا قعدة عرفية وكانت قعدة حق أنا وأسرة نيرة، بس كان كلامهم شديد معايا، ومحدش كان مقدر اللي أنا عملته معاها، وكان ردهم بيستفزني.
ومن نص التحقيقات في القضية رقم 11409 لسنة 2022 جنح أول المنصور، مضمونها أن المتهم باغتها بعدة طعنات ثم نحرها، وأنه كان يريد الارتباط بها ورفضت.
وقال المتهم بقتل “نيرة أشرف”، أمام جهات التحقيق: أنا كنت ساكت وخلاص، ولكن كان في دماغي آخد حقي منها، وأول لما حد قالي إنها بتتكلم علي، فأنا كنت مستني أرد كرامتي، وكلمتها على واتس والمحمول، وأنا قبل كده مضيت على عدم تعرض وإيصال أمانة علشان لو اتعرضت لها تاني يرفعوه عليا، مضيفًا: أنا كنت بقولها عيب اللي بتعمليه ده، أنا صرفت عليكِ دم قلبي، فكانت ترد باستهزاء، وأنا كنت بتضايق من اللي هي بتعمله، فأنا كلمت أبوها علشان أشوف نهاية الحوار ده.
وشرع رجال التحقيق في سؤاله عن تفاصيل الجلسة العرفية التي جلسها المتهم مع أسرة “نيرة أشرف”، وجاءت الأسئلة كالآتي:
س: ما هي المحررات التي قمت بتوقيعها حال تلك الجلسة العرفية؟
ج: أنا مضيت على عدم تعرض وإيصال أمانة علشان لو اتعرضت لها تاني يرفعوه عليا.
س: هل قمت بالتعرض لها عقب تلك الجلسة العرفية؟
ج: أنا كنت ساكت وخلاص ولكن كان في دماغي آخد حقي منها، وأول لما حد قالي إنها بتتكلم علي فأنا كنت مستني أرد كرامتي، وكلمتها على واتس وال.
س: وما هو مضمون المحادثات التي جرت فيما بينك وبين المجني عليها آنذاك؟
ج: أنا كنت بقولها عيب اللي بتعمليه ده، أنا صرفت عليكي دم قلبي، فكانت ترد باستهزاء، وأنا كنت بضايق من اللي هي بتعمله، فأنا كلمت أبوها علشان أشوف نهاية الحوار ده.
س: وهل من ثمة أفعال صدرت فيما بينك وبين المجني عليها إبان تلك الفترة؟
ج: أنا كنت بحاول أتكلم معاها بأي طريقة، وكنت ساعات بهددها وبقولها أنا لسه معايا مكالمتك ليا وانتي بتعترفي على كل حاجة بلسانك، وعندي استعداد ابعتها للناس كلها، وساعات تانية كنت بتكلم معاها عادي وكانت دايما ردها ناشف علي.
الجدير بالذكر، أن اليوم الأحد، تعقد محكمة جنايات المنصورة أولى جلسات محاكمة قاتل الطالبة “نيرة أشرف”، بعد أن قرر النائب العام الأربعاء الماضي، إحالة المتهم “محمد عادل” إلى محكمة الجنايات؛ لمحاكمته بتهمة قتل الطالبة نيرة أشرف عمدا مع سبق الإصرار.
