ظاهرة التسويح في صنفي القمح «سخا 95» و«سخا 96»
كتب: د.محمد فهيم يوجد ظاهرة تتكرر سنوياً وهي ما يشبه الرقاد في القمح صنف سخا 95 وسخا 96 في الاعمار الأولى ما بعد 35 -45 يوم من الزراعة … وهى ظاهرة التسويح او الانبساط وبيكون القمح غزير التفريع “جداً” زي البرسيم وغض جداً.
تابعونا على صفحة الفلاح اليوم على فيس بوك
وبيزيد الشكل ده اكتر لو تم الزراعة بكمية تقاوي أكثر من 50 – 60 كجم للفدان أو لو تم إضافة كمية السماد اليوريا في الرية الأولى اكثر من 2 شيكارة .. ومع زيادة الندى صباحاً بيحصل المنظر ده.
عموماً …
اطمأن دي ظاهرة طبيعية في صنفي “سخا 95 وسخا 96” لأنه غزير التفريع جداً وبيفضل كده شوية لاسبوعين ويرجع يأخذ الشكل القائم لعيدان القمح قبل الطرد مباشرة.
قلل كمية اليوريا شوية ومتزودتش كميات مياه الري بحيث يكون الري على الحامي ديماً ولو فيه إمكانية نرش عالي الفسفور او نضيف المنقوع زي ما عرفتكم قبل كده.
*المادة العلمية: رئيس مركز معلومات تغير المناخ بمركز البحوث الزراعية.
