رأى

صباح الأنوار والخير الوفير

د.محمد علي فهيم

بقلم: د.محمد علي فهيم

باحث أول بمركز البحوث الزراعية

احلى لحظات حياتك أن تكون سبب في إسعاد الناس …

غيط عم حنا ابو فاروق .. كان بها مشكلة في بداية زراعة البطاطس (25 اغسطس 2019) .. كانت تعاني من ضعف وتأخير كبير في نسبة ومعدل الانبات (غالبا كانت مشكلة في الثلاجة أثناء التخزين المبرد) … وكان رأي كل المحيطين والجيران هو إعادة الزراعة بتقاوي بطاطس تاني … لم يستسلم عم حنا .. وانا فاكر لما جالي الاستراحة بالموتوسيكل عشان اركب معاه ونروح نشوف الارض .. وكنت شايف واحد الدنيا سوده في وشه .. عالطول عرفت أنه هي نزلنا الترعة .. فعملت حسابي ولبست كوتش.

المهم شوفنا الارض وكانت متأخرة وفيه فرق كبير بينها وبين الغيطان اللي جنبها بطريقة تثير النكد والزعل … وبدأ في برنامج مكثف من التغذية النوعية وبخلطات منشطات النمو (فولفيك + طحالب + عالي الماغنسيوم + سيتوكينين) .. وتقصير فترات الري مع تخفيف كمية المياه .. واعطاء جرعات عالي الفسفور بطريقة النقر (جرعة ثم نصف جرعة ثم ضعف جرعة) … حتى استعاد النبات حيوته .. ثم بمجرد انكسار الحرارة نهارا بدأ الزرع في الانفجار الخضري .. بعدها تم إعطاء التغذية الخاصة بزيادة معدلات الصب (عالي البوتاسيوم ومساعديه).

كانت النتيجة زي ما انتو شايفين في الصورة..

ولما روحت ليه وهو بيقلع البطاطس … اقسم بالله شفت في وشه نظرات عندي بالدنيا كلها … وساعتها قررت اركب معاه الموتوسيكل وهو بيوصلني وانا مطمئن ومن غير كوتشي المرة دي.

في الحياة لحظات سعادة لا تقدر.

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى