البيئة

توصيات أهم فترة للموسم الزراعي (طوبة وأمشير)

كتب: د.محمد فهيم احنا دخلنا فعلياً في سرة الموسم الزراعي المناخي.. فترة السلف والدين بين طوبة وأمشير واللى فيها الجو بيتلون بكل ألوان التقلبات (دفيء ثم برودة ثم دفيء .. رطوبة ثم جفاف ثم رطوبة) وده بيعمل ارتباك للزرع .. كل الزرع. الفترة من 10 يناير الى 15 مارس اللي هي تقريبا شهري طوبة وأمشير، وهى أهم فترة لكافة المحاصيل بدون استثناء.

تابعونا على قناة الفلاح اليوم

تابعونا على صفحة الفلاح اليوم على فيس بوك

ولو رجعنا للمواسم اللى فاتت كلها هتلاقي الفترة دي هي صمام الأمان للموسم كله لو عدت على خير. فهي الفترة اللي بتمهد لبداية الموسم الانتاجي للفاكهة لانها الفترة اللى كل اشجار الفاكهة بتجهز نفسها للموسم الجديد، وهى الفترة اللى بيمتليء الحبوب كلها قمح وشعير وفول وبسلة وكمون ويانسون وشمر وكسبرة وكتان.

كما أنها فترة تاخد أعلى إنتاج لمحاصيل زي الفراولة والخرشوف وغيرها، وهي فترة التزهير وتمام العقد الآمن للخضر الشتوية (تحت الانفاق) ولاشجار الفاكهة (عنب مانجو نخيل زيتون خوخ تفاح … ).

تعتبر أهم فترة للمحاصيل الارضية (بطاطس صيفي وبنجر وبصل وثوم ) … وهى فترة البداية الصحيحة لموسم المحاصيل الصيفية المبكرة زي خضر المكشوف والفاصوليا الصيفي وغيرها .. لكنها فترة التقلبات المناخية الكبرى.

وكمان فترة رواج سوق الحشرات والأمراض والظواهر الغريبة، وهنا مينفعش نشتغل بنفس معاملات وتدخلات المواسم اللى عدت وكأنها قوالب محفوظة صماء .. وبالمناسبة ما هو متوقع فإنها فترة عكس موسم 2024 تماما في كتير من ظروفها المناخية.

*المادة العلمية: رئيس مركز معلومات تغير المناخ بمركز البحوث الزراعية.

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى