المواعيد الآمنة لزراعة محاصيل العروة الخريفية الشتوية المُبكرة 2024
كتب: د.محمد فهيم طبعاً الوقت دخل علينا والكل منتظر يعرف المواعيد الآمنة لزراعة محاصيل العروة الجديدة ده غير شتل عروة الخضر وبساتين الفاكهة الجديدة …
تابعونا على صفحة الفلاح اليوم على فيس بوك
المواعيد دي ممكن تتغير شوية عن كده لأنها مواعيد بصفة عامة … وديما قبلي بيكون بدري شوية في بعض المحاصيل زي البطاطس – الفاصوليا – البصل – الثوم … ومتأخر في البنجر مثلا …
واحيانا المواعيد نفسها ممكن تتغير في نفس المنطقة .. زي القمح مثلا لو الجو امتد فيه الصيف المتأخر في الخريف فيفضل ان يكون ميعاد الزراعة بعد 20 نوفمبر مع ان الميعاد الموصي به بعد 10 نوفمبر … وهكذا
وطبعاً الجو السنة اكثر حرارة من العام الماضي بمعني ان أغسطس 2024 أعلى حرارة في المتوسط بحوالي 3-4 درجات عن أغسطس 2023 .. وده معناه ان الصيف الحالي اعلى حرارة … يعني ارجع بذاكرتك للسنة اللي فاتت ولو زرعت محصولك مثلا في 20 أغسطس فازرع السنة دي في 30 أغسطس ولو زرعت في اخر أغسطس فازرع السنة دي في 10 سبتمبر … وهكذا ..
واهالينا أصحاب بساتين الفاكهة خاصة الزيتون والتمور والموالح بأنواعها … اعرف ان التحجيم ضعيف السنة دس بسبب الصيف الساخن بزيادة .. وراعي ده في تقدير محصولك او في موضوع الفرز عشان مش هتلاقي احجام كبيرة، وكمان ان التلوين السنة دي للأسف برده هيتأثر بسبب تذبذبات الخريف المتوقعة في شهر نوفمبر القادم ان شاء الله.
وما زلت بقول ان الزراعة المبكرة لها احتياطات وطقوس صارمة عشان ميحصلش أي مشاكل، وأهم نصيحة عليكم بالكبريت الزراعي إضافة مع التربة مع اسمدة التجهيز … هيساعدك كتير قوي في الموسم الجديد ولكل المحاصيل (حسب مقدرة المزارع).
*المادة العلمية: رئيس مركز معلومات تغير المناخ بوزارة الزراعة.
