آخر الأخبار
الرئيسية / رأى / الملء الثاني لخزان سد النهضة

الملء الثاني لخزان سد النهضة

بقلم: هاني إبراهيم

اليوم 27 فبراير 2021، باقي 32 يوم على بدء الغلق لتنفيذ الملء الثاني وباقي 90 يوما على بدء فيضان 2021

نركز فى الجاي ونستبعد مؤشر العد التنازلي المحدد بأول يوليو لانه بعيد ده اولا وغير منطقي ثانيا لاسباب سبق وشرحناها وهنعيدها تاني للتوضيح.

بالنسبة لموضوع العد التنازلي على تنفيذ ملء خزان السد الاثيوبي.

فى 3 مؤشرات مرتبطين ببعض:

ـ الاول: باقي 32 يوم ده مؤشر بدء اثيوبيا فى غلق الممر الاوسط وتعليته لتنفيذ الملء وده محتمل يبدأ يوم 1 ابريل خلال اول اسبوع من ابريل “لاسباب منها الاحتفال بذكرى اطلاق المشروع 2 ابريل 2011”.

ـ التاني: باقي 90 يوم ده مؤشر الفيضان اول زيادة بتحصل فى موسم الامطار بتكون يوم 28 مايو من كل عام وده شهر  تحويل مجرى النهر فى السدود على النيل وحصل فى 14 مايو بـالسد العالي و28 مايو بـالسد الاثيوبي.

ـ التالت: باقي 123 يوم ده مؤشر تنفيذ الملء فعليا فى اول يوليو 2021.

اخطر مؤشر هو الاول باقي 32 يوم لان البدء في تعلية الممر الاوسط هيساعد على تنفيذ الملء على الارض بعدها.

معلومة متوقعة: لو تم غلق الممر الاوسط وتم تشغيل ممرين الاستخدامات هترتفع سعة السد الاثيوبي تلقائيا يوم 15 يونيو لان قدرة الممرين على التمرير 25 مليون متر مكعب يوميا فى حين متوسط ايراد يونيو اليومي ضعف قدرة الممرين 53.3 مليون متر مكعب يوميا.

لو تم فتح بوابتين من البوابات السفلية هيتم تنفيذ الملء فى اول يوليو تلقائيا لان قدرة البوابة الواحدة 60 مليون متر مكعب يوميا والبوابتين 120 مليون متر مكعب وايراد يوليو اليومي 296 مليون متر مكعب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *