آخر الأخبار
الرئيسية / ملفات ساخنة / السيسي لـ”المصريين” تعليقاً على أزمة سد النهضة: “كلنا هنبقى أسد كبير.. وحقنا في الحياة محدش يقدر يجور عليه”

السيسي لـ”المصريين” تعليقاً على أزمة سد النهضة: “كلنا هنبقى أسد كبير.. وحقنا في الحياة محدش يقدر يجور عليه”

كتبت: هند النعماني قال الرئيس عبدالفتاح السيسي، إن أمن واستقرار الدولة مش جيش بيحارب؛ لأن بناء الأمم والشعوب والحفاظ عليها يا كل المصريين يا حبايبي وأهلي وناسي مش بالجيش أو بالشرطة، لكن بنا جميعا.

وأضاف السيسي، خلال افتتاح المدينة الصناعية في الروبيكي، أنه لا أحد يستطيع أن يُنكر أهمية المياه في حياة الدنيا بالكامل وليس حياة المصريين فقط، موضحًا أن قلق المصريين من السد مشروع، “وأنا معاكم فيه”.

وتابع السيسي: «مطلبنا في المياه بيثبت عدالته هرم الجيزة، دي مياه بتجيلنا من ربنا من آلاف السنين، واتبنت عليها حضارتنا»، مؤكدا «نقول دائما لأشقائنا في إثيوبيا والسودان أننا حريصون عليكم وحريصين على عيشتكم زى عيشتنا».

وقال: «من حقكم توليد الكهرباء، زى ما أعلنتوا إن ده السبب وبنتمنالكم التوفيق بكل حب وبنوايا طيبة بشرط ألا يؤثر ذلك على المياه التي تأتي لنا، وتحدثنا في ذلك كثيرا في اللقاءات الثنائية والثلاثية».

وتابع السيسي: «الأسد محدش بياكل أكله، والأسد مش كلام، كل واحد في موقعه يبقى أسد صغير، وكلنا هنبقى أسد كبير، وحقنا في الحياة محدش يقدر يجور عليه أو على مصالحنا أو أمننا القومي»، على حد تعبيره.

وأبدى السيسي تفهمه قلق المصريين، مشيرا الى أن المصريين “قلقانين” وأنا بأقول قلقكم قلق مشروع، وأنا معاكم فيه، لكن كل ما تقلق وتخاف اشتغل أكترعلشان تبقى جامد وتبقى قوي وقادر، كل ما تشتغل أكتر كل ما هتبقى قوي أكتر وماحدش هياخد حقك منك.

وأردف «السيسي»: «ما تهددش وتقول كلام مالوش لازمة، أنا بحترم كل رأى لكن ماحددش يقول النهاردة هنعمل كذا وكذا».

وتطرق الرئيس إلى ما يردده البعض من آراء بشأن عمل عسكري، قائلا: «إحنا بنتفاوض ودي معركة هتطول لإننا مش هنمضي على حاجة مش هتحققلنا مصلحة، المصلحة بتقول كلنا مستفيدين والضرر يكون مقبول علينا كلنا».

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *