آخر الأخبار
الرئيسية / منوعات / إعلامى مصرى: “اللي هيضيع البلد دي الموظفين”

إعلامى مصرى: “اللي هيضيع البلد دي الموظفين”

عمرو أديب
عمرو أديب

كتبت: هند محمد حملة غضب عارمة على مواقع التواصل الاجتماعى، شنها نشطاء وموظفون على الإعلامى عمرو أديب، عقب اتهامه للموظفين بأنهم من يخربون البلد بتصرفاتهم.

ومن بين ما رصده “الفلاح اليوم” على مواقع التواصل الاجتماعى..

ـ محمد عبد الحميد: “طيب خلاص ما تقتلونا وتخلصوا مننا ما دام هنضيع البلد!”.

ـ منى محمود:”الموظف هو أضعف شريحة فى المجتمع، والكل بيحط عليه”.

ـ إسلام رأفت: “حضرتك يا أستاذ عمرو سايب اللوائح والقوانين العقيمة وقافش في الموظف اللي شغلته يطبقها وهو مجبر؟ ولو كسرها عشان حد ويا سلام لو حد كبير وحصل مشكلة فحضرتك بردك هتسيب الكبير وتقفش في الموظف وتبهدله! والكبير هتسكتله وهطلعه شهيد؟”.

كان عمرو أديب، قد قال في برنامجه “كل يوم” على فضائية “ONE”، الاثنين: “عندي جملة بكررها مئة مرة: اللي هيضيع البلد دي الموظفين، ييجي مسؤول يبقى عاوز يغير ويعمل حاجة، فيقف له الموظف، ويقول لا يا فندم أصل المادة كذا في القانون رقم كذا بتقول حضرتك هتاخد 25 سنة”.

جاء انتقاد أديب للموظفين خلال استنكاره الأصوات المعترضة على التصالح مع رجال الأعمال في قضايا الفساد المالي، معتبرا أن سجن أو إعدام رجال الأعمال لن يصب في صالح البلد ولن يفيدها، حسب قوله.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *