آخر الأخبار
الرئيسية / الأجندة الزراعية / إرشادات هامة أثناء تجهيز الأرض لزراعة بطاطس العروة الصيفية

إرشادات هامة أثناء تجهيز الأرض لزراعة بطاطس العروة الصيفية

كتب: د.محمد فهيم بداية تجهيز الارض لزراعة البطاطس “الصيفي” فى المناطق التى تزرع هذه العروة مبكرا في جنوب الجيزة (قلعة المرازيق – المرازيق – الشوبك – ابو رجوان – العياط …) القليوبية – دجوى، المنوفية – الطويلة وطلخا وبلقاس – ابيس – نكلة العنب …الخ يجب اتباع الخطوات التالية:

على البلاط قبل الحرث او بعد الحرثة الاولى وقبل التخطيط (الفج) اعمل ما يلي:

البطاطس محصول منهك للتربة ومستنزف لها “جداً” – السباخ البلدي المتحلل (20 م3) يغنيك عن كثير من نقص العناصر فى التلت الاخير من عمرها.

الارض السودة ثقيلة مدمجة باردة عشان كده من 10-12 شيكارة سوبر فوسفات الكالسيوم يعود لها دفئها وحيويتها وخفتها ونعومتها حول الدرنات المتكونة لاحقاً.

الانبات كلها هيكون فى فترة باردة (اخر ديسمبر ويناير) فـالبطاطس محتاجه جرعة تنشيطية من الازوت (بطيء التحلل) لزيادة معدل الانبات عشان كده من 2- 3 شيكارة سلفات نشادر 20.5% هامة جداً لهذا الغرض.

4ـ حتى تطهر التربة من بقايا فطريات وامراض التربة من الزرعة السابقة ويكون فيه وسط غذائي مناسب للزرعة طول الموسم عشان كده من 2- 3 شيكارة كبريت زراعي هتقوم بالغرض ده والكبريت عنصر غذائي ووقائي هام للبطاطس ولازم يتحول لصورة كبريتات ايونية بالتالى لازم يتمعدن داخل الترية ولذلك يضاف فقط مع التجهيز.

5ـ يتبقي اضافة هامة (للى يقدر عليها) اضافة 2 شيكارة سلفات بوتاسيوم مع اخوتها السابقين – بيعمل حاجات حلوة مع الغلة (الدرنات) اللى هتنتج من غيطك او مزرعتك.

6ـ التخطيط يفضل الا يزيد على 9 خطوط فى القصبتين (الموسم ده بالتحديد – لانه للاسف موسم فى اواخره مناسب للسوسة ويفضل يكون اتجاه التخطيط شرق – غرب.

7ـ اروي رية غزيرة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *