أخي المزارع.. خلي بالك من موجة حارة مؤقتة خلال الـ48 ساعة المُقبلة

كتب: د.محمد فهيم متوقع ألا يستسلم الصيف بسهولة فى اواخر ايام عمره الرسمي، وعليه:

تابعونا على قناة الفلاح اليوم

تابعونا على صفحة الفلاح اليوم على فيس بوك

ـ ارتفاع مؤقت فى درجات الحرارة خلال الـ48 ساعة القادمة (يومي الخميس والجمعة) ويكون ذروة الارتفاع يوم الجمعة 20 / 9 /2024.

ـ كما تنشط الرياح تكون مثيرة للرمال والاتربة علي بعض مناطق الساحل الشمالي وجنوب سيناء وشمال الصعيد والوادي الجديد في اوقات متفرقة.

ولانها موجة مؤقتة تعود الاجواء لطبيعتها بداية من السبت يجب اخذ كل الاحتياطات اللازمة لبعض المحاصيل الحساسة لارتفاع الحرارة .. وبالتحديد عمليات شتل الخضر والفاكهة بحيث لو قدرنا نأجلها للسبت يكون افضل .. واللى هيشتل يومي الخميس والجمعة بالتحديد، لكن اللى شتل قبل كده هنراعي موضوع الري، ويمكن الرش بالبوتاسيوم فوسفيت ومحفزات النمو (طحالب وأحماض امينية حرة).

التعامل بحرص شديد مع المشاتل في اخر عمرها خاصة الطماطم والفراولة – عشان الشتلات ميحصلهاش صدمة حرارة قبل الزراعة لانها هتعبر عن الكلام ده بمجرد الزراعة مباشرة .. يعني مراعاة المياه والرش بمركبات الاجهاد المعروفة زي سليكات البوتاسيوم والبوتاسيوم فوسفيت ( هام جدا جدا).

العناية بالمحاصيل اللى انزرعت (بطاطس بنجر ثوم فاصوليا بسلة خرشوف فراولة بصل مقور .. الخ) ببرامج الدعم اللى بنتكلم عنها ديما .. وهي تقريب الري وإضافة فولفيك وماغنسيوم ارضي والرش بمحفزات النمو اللى ضد الصدمات الحرارية …) ..
خلينا مركزين لوسمحتم وبلاش استهتار بالارتفاع ده فى الحرارة .. حتى لو كان مؤقت.

*المادة العلمية: رئيس مركز معلومات تغير المناخ بوزارة الزراعة.