أخطاء شائعة يرتكبها مزارعي المانجو

أخطاء شائعة يرتكبها مزارعى المانجو بيسب الشجر يعلا ويرتفع الى اطوال غير طبيعيه 7م و8م و10 و12م.. ليه كده يقولك عاوز الشجرة تكون كبيرة وعالية.. ليه علشان تشيل اكتر…..طيب ياسيدى الاطول المناسبه هى 80 ـ 100 من المساحه بين الشجرة والتانية يعنى لو انت سايب مسافة 6م بين الشجر وبعضه لازم يكون ارتفاع اعلى قمة لاى شجرة ما يزيد على4م ..ليه علشان الشمس تدخل بين الشجر وبعضه لازم توصل الارض علشان بتموت امراض كتير نعرفها ومانعرفهاش وعلشان اى فرع بتوصله الشمس بيشيل محصول واللى مش بيشوف الشمس مش بيشيل اى ثمرة واتحدك.

يقولك كلام صح بس الشجر هيبقى صغير .. تقولوا لازم يكون صغير علشان تعرف ترشه باقل كمية مبيد. وتحصل على اكبر كمية ثمر مانجو .. لان الشجر العالى بيزيد نسبة الرطوبة وكل ما الرطوبه تزيد الامراض الفطرية والحشرات تزيد وتتطر تقاومها باكبر كمية مبيدات الى ليها اكبر ضرر على الانسان والحيوان والبيئة ومش هتقضى على المرض لان ما خلقه الله لا يستطيع اى انسان كائنا من كان ان يصنع مبيد يقضى على صنع الخالق واللىيقضى عليها شىء من صنع الخالق بس والشمس من صنع الخالق….وترجع تقلم اجبارى ذى اللى بيحصل الايام دى … الزراعة علم وخبره انتوا بتقلدوا بعض كفلاحين اسمع كلام المهندس اللى متمكن من علمه وان شاء الله مش هتخسر هتكسب باذن الله.

*كاتب المقال: أخصائي المكافحة بإدارة القنطرة غرب الزراعية.