آخر الأخبار
الرئيسية / ع الزراعية / أحكام بدلات الجودة المنسية .. في مركز البحوث الزراعية .. مش ها ينفذها غيرك ياريس!

أحكام بدلات الجودة المنسية .. في مركز البحوث الزراعية .. مش ها ينفذها غيرك ياريس!

بقلم: د.مدحت مراد

فخامة الرئيس السيسى .. لإنك  حبيبي و رئيسى .. فكرت كتير قبل ما اكتبلك ياريس .. خفت ليقولوا مجنون وهيس! .. بس مالقتش قدامى غيرك .. ياريت تسمعنى .. يبقى كتر خيرك .. عارف إن همومك كبيرة .. وإن مشاكل البلد كتيرة .. بس والله غصب عنى .. فاض بيه لإنى .. مش عايز أبقى فى بلدى مظلوم .. ومن أبسط حقوقى محروم .. المشكلة مش بتاعتى لوحدى ياريس.. دى بتمس ألوف من اخوانك واولادك فى مركز البحوث الزراعية .. عايزين يعيشوا كويس .. أكتر  من 8 سنين .. وإحنا متبهدلين ودايخين .. عشان ربنا يسامحهم وزراء المالية .. اللى بصفتهم الوظيفية .. مش عاوزين  ينفذوا أحكام صيغتها التنفيذية .. بتقول .. تنفذ بالقوة الجبرية! .. مش لاقيين حد يسمعنا .. ولا يسأل عن اللى واجعنا .. لا رئيس مركز ولا وزير ..! وكأن المركز مالوش حد يدافع عنه .. وكل واحد بيدور ع اللى له واللى  منه!  بدل الجودة ما بيتصرفش ..!  وضرايب كسب عمل اتاخدت مرتين ولا رجعتش!؟؟

وكأن مش مكفينا!؟ .. تزود  سيادتك معاشاتنا .. يخصموا الآبالسة الزيادة من بدلاتنا!؟ ..  أكتر من 5 سنين وإحنا محلك سر .. حالنا بقى لا يرضى ولا يسر .. هو كتير ياريس لما العمر يفوت  .. أنى أطمن إن أولادى بعد ما أموت  ها يعيشوا من بعدى كويس .. أنا عارف ومتأكد .. أنك مش هاترضى بـالظلم ياريس ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *