رأى

آهي أيام بنقضيها .. في مركز البحوث الزراعية! .. يكتبها الدكتور مدحت مراد

بقلم: أ.د/مدحت مراد

د. أسامة ..

 من غير ملامة..

قلت لك وماصدقتنيش..

أحنا في زمن الخفافيش..

بقت مالية مركزنا ..

ومش عايزانا نعيش!

والكراسى يا ما بتغير نفوس ..

وكله طمعان في الفلوس!

ولأجلها ..

ع الرقاب دوس!

وانتهى زمن البحوث ..!

واللى لسه واخدها جد ..

سالت دموعه ع الخد ..

بيموت كل يوم..

ولا حاسس بيه حد ..

و أصبح الجهل في أول الصفوف ..

و التسقيف لهب الكفوف ..

والبيه عاجبه  صوت الدفوف

ومغمض عينيه ..

ومش مكسوف!

فاكر ان الكرسى والدنيا دايماله ..

ناسى ان مفيش شيىء بيفضل على حاله

مع انها ..

لو دامت لغيره

ما كانتش جاياله!

أنا عشت في المركز اكتر من خمسين سنة!

حفرنا في الصخر..

وشفنا التعب والضنا..

ماكانش بالساهل نعمل مستقبلنا و اسمنا

بس كنا رجالة ..

شلنا مركزنا على اكتافنا

وخلينا رفعته وأهدافه .. قبل اهدافنا

وآخرتها..

عايشين ..مالينا خوفنا

من اللى ممكن يحصل لينا بكرة؟!

محدش بقى عنده رؤية أو فكرة

وبقينا عايشين في زمن الكلام!

وآلو يادانس ..

ياباشا كله تمام ..

أما النفاق يا اكسلانس..

 فاتفرج ياسلام!

د أسامة .. من غير ملامة!

ياما قلتلك ..

بص حواليك  ..

وشغل مخك .. وفتح عينيك

وان لقيت حد سأل فيك

إبقى قابلنى ..!

محدش فاضى ليك!

حقوقنا ضايعة قدام الكل ..

ولا مسئول كلف خاطره حتى يطل!

ولما يتسأل سعادة البيه ..

ياروحى عليه ..

يتقال للى فوق ..

كله زى الفل!

واحنا عمالين نهاتى ونزيط ..

وها نفضل ماشيين جنب الحيط ..

وماعندناش غير حسبنا الله ..

الذى لا يحمد على مكروه سواه!

تابع الفلاح اليوم علي جوجل نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى